Ny bok frå Aleksander Brun: «Under Huda» skremmer seg inn i lesaren sitt sinn.

Aleksander Brun, ein IT-konsulent busett i Bergen, debuterer no med si fyrste bok, «Under Huda». Brun, som opphaveleg er frå Jostedal i Sogn, har dei siste ti åra budd i Bergen, der han har fått moglegheit til å fordjupe seg i sin store lidenskap: historieforteljing. Med bakgrunn frå filmstudiar og ein djuptgåande interesse for skrekk og fantasy, har Brun no funne eit medium som passar perfekt for hans forteljarglede – novellesamlinga.

Brun si interesse for skrekksjangeren går langt tilbake. Som ung drøymde han om å lage filmar, men det var ikkje før han byrja å skrive, at han verkeleg fann sin stemme.

‒ Eg har alltid vore interessert i historieforteljing, seier Brun.

‒ Sjølv om filmskapinga forblei ein hobby, kjente eg på eit behov for å dele forteljingar. Skriving blei raskt min nye lidenskap.

Inspirasjonen til «Under Huda» kom frå ein uvanleg og kvardagsleg situasjon, medan Brun jobba som barnehageassistent.

‒ Eg skulle legge eit born ned i sprinkelsenga for å sove, og la merke til min eigen skugge på veggen. Det inspirerte meg til å skrive «Dansarinna», forklarar Brun.

‒ Slik har mange av novellene i boka blitt til – ein kvardagsleg situasjon som eg spinn vidare til noko uhyggeleg. Når det normale blir unormalt, og det trygge blir utrygt, det er då det blir skummelt.

«Under Huda» er ei samling av åtte noveller som utforskar skrekken som lurer under overflata. Her møter vi overnaturlege skapnadar og krefter, samt menneskelege mørker, som på ulike vis manipulerer, lurar og jaktar på mennesket. Målet til Brun er ikkje berre å skremme lesaren, men å trenge seg inn under huda på dei.

Boka rettar seg mot lesarar som set pris på nervepirrande og intense forteljingar, spesielt dei som har ein forkjærleik for skrekk og fantasy.

Brun har allereie fleire prosjekt på gang.

‒ Å skrive skrekk har gjeve meirsmak, innrømmer han.

‒ Eg arbeidar med ein roman og har fleire idéar på lager. Det er mykje som må utforskast innan denne sjangeren, så ein skal ikkje sjå vekk ifrå at det kjem meir frå mi hand i framtida.

Med «Under Huda» lovar Aleksander Brun å gi lesarane ei oppleving som både skremmer og fenger. Boka er no tilgjengeleg for alle som tør å opne den og sleppe mørket inn.

For meir informasjon om "Under huda", sjå forlagets nettsider:
https://www.forlagshusetpublica.no/no/shop/under-huda-2436